मराठवाड्यात 34 टक्के रब्बी हंगामाची पेरणी पूर्ण, हंगामात चांगले उत्पादन होण्याची शेतकऱ्यांना आशा
मराठवाड्यात 34 टक्के रब्बीच्या पेरण्या पूर्ण झाल्या आहेत, तर एकट्या औरंगाबादमध्ये 2 लाख 30 हजार 284 हेक्टर क्षेत्रात रब्बीच्या पेरण्या पूर्ण झाल्या आहेत. या रब्बी हंगामात शेतकऱ्यांना चांगली अपेक्षा आहे.
महाराष्ट्रात खरीप हंगामात अतिवृष्टी आणि नंतर अवकाळी पाऊस यामुळे शेतकऱ्यांना अडचणीचा सामना करावा लागला. त्याचवेळी मराठवाड्यात शेतकरी पुन्हा एकदा रब्बीच्या कामात व्यस्त झाला आहे. मराठवाड्यात आतापर्यंत ३४ टक्के रब्बीच्या पेरण्या झाल्याचं कृषी विभागाने सांगितलं आहे. औरंगाबाद सह कृषी संचालक यांच्या कार्यक्षेत्रात 7 लाख 41 हजार 180.28 हेक्टर क्षेत्र असून, त्यापैकी आतापर्यंत 2 लाख 30 हजार 284 हेक्टरवर पेरणी झाली आहे. त्याचवेळी विदर्भातील काही जिल्ह्यांमध्ये पेरणीला विलंब होत असल्याचे दिसून येत आहे. दुसरीकडे, महाराष्ट्राच्या वायव्य भागात असलेल्या नंदुरबार जिल्ह्यात आतापर्यंत रब्बीच्या केवळ १५ टक्के पेरण्या झाल्या आहेत. तर जिल्ह्यात आतापर्यंत नऊ हजार हेक्टर क्षेत्रावर रब्बीची पेरणी झाली आहे.
चंदन धोरण 2022: आता शेतकरी खुल्या बाजारात चंदन विकू शकतील, या हायटेक कल्पनेमुळे अवैध तस्करीला आळा बसेल
कोणत्या जिल्ह्यात किती पेरणी झाली
औरंगाबाद, कृषी सहसंचालक कार्यालयाच्या कार्यक्षेत्रात औरंगाबाद, जालना आणि बीड जिल्ह्यांचा समावेश आहे. औरंगाबाद जिल्ह्याचे सर्वसाधारण पेरणी क्षेत्र एक लाख ९० हजार ९३५ हेक्टर असून, त्यापैकी २० हजार ४९६ हेक्टरवर रब्बीची पेरणी झाली आहे. जालना जिल्ह्याचे सर्वसाधारण पेरणी क्षेत्र २ लाख १७ हजार ८९२ हेक्टर असून त्यापैकी ६३ हजार १७७ हेक्टरवर रब्बीची पेरणी झाली आहे. तर बीड जिल्ह्यात एक लाख ४६ हजार ६११ हेक्टरवर रब्बीची पेरणी झाली असून, सर्वसाधारण पेरणी क्षेत्राच्या तुलनेत ४४.११ टक्के आहे. तर औरंगाबाद विभागात रब्बीचे सर्वसाधारण क्षेत्र 3 लाख दोन हजार 138 हेक्टर असून, त्यापैकी 1 लाख 25 हजार 338 हेक्टरवर पेरणी झाली आहे.
रब्बी हंगामातील पिकांच्या पेरणीला उशीर, शेतकऱ्यांच्या अडचणीत वाढ
कोणत्या पिकांची पेरणी झाली आणि किती
औरंगाबाद विभागात रब्बी ज्वारीचे एकूण क्षेत्र ३ लाख ७१ हजार ८५७ हेक्टर आहे. तर आतापर्यंत ८६ हजार ८६१ हेक्टरवर ज्वारीची पेरणी झाली आहे. यासह 18 हजार 471 हेक्टरवर गव्हाची तर 3 लाख 63 हजार 948 हेक्टरवर हरभऱ्याची पेरणी झाली आहे.
रब्बी 2022: आतापर्यंत गव्हाच्या पेरणीत १५ टक्के वाढ, कडधान्याखालील क्षेत्रात किरकोळ घट
शेतकऱ्यांना रब्बीकडून मोठ्या आशा
या वर्षाच्या सुरुवातीला झालेल्या अतिवृष्टी आणि त्यानंतरच्या पावसाने खरिपाच्या पिकांचेही मोठ्या प्रमाणात नुकसान झाले आहे. त्यामुळेच खरीपातून शेतकऱ्यांच्या हाती काहीच आले नसल्याचे चित्र आहे. खरिपात शेतकऱ्यांचा खर्चही वसूल झालेला नाही. काही ठिकाणी शेतात तयार झालेले पीकही पाण्यात वाहून गेले. दरम्यान, रब्बीच्या पेरणीला आता सुरुवात झाली असून, त्यातून शेतकऱ्यांना चांगल्या अपेक्षा आहेत. त्यामुळे अनेक भागात पेरण्या सुरू झाल्या आहेत. खरीपामुळे झालेल्या पिकांच्या नुकसानीची भरपाई रब्बी हंगामात मिळेल, असे शेतकऱ्यांचे म्हणणे आहे.
वर्षभर उत्पनासाठी मुळाच्या या जातींची पेरणी केल्यास होईल भरघोस कमाई
एप्रिल पर्यंत एकलाख तरुणांना थेट रोजगार , या क्षेत्रात आहे तरुणांना मोठी संधी
