अग्निवीरांसाठी आनंदाची बातमी: कर्तव्यातून मुक्त झालेल्या अग्निवीरांना BSF, ITBP SSB CISF या दलांमध्ये 10% आरक्षण मिळणार

चार वर्षांनंतर कर्तव्यातून मुक्त झालेल्या अग्निवीरांना CAFP, BSF, ITBP SSB CISF यांसारख्या सशस्त्र दलांमध्ये आरक्षण दिले जाईल, असे केंद्र सरकारने म्हटले आहे.

अग्निवीरांच्या भरतीसाठी देशातील तिन्ही सैन्यदलांमध्ये भरती प्रक्रिया सुरू आहे. अशा परिस्थितीत एक दिलासा देणारी बातमी समोर आली आहे. चार वर्षांनंतर निवृत्त होणाऱ्या अग्निवीरांना CAFP, BSF, ITBP, SSB आणि CISF या सशस्त्र दलांमध्ये 10 टक्के आरक्षण दिले जाईल, असे केंद्र सरकारने म्हटले आहे. केंद्रीय गृह राज्यमंत्री नित्यानंद राय यांनी संसदेत ही माहिती दिली आहे. यावेळी त्यांनी विविध दलातील रिक्त पदांची माहितीही दिली. डिसेंबर २०२३ पर्यंत ही पदे भरली जातील, असे ते म्हणाले. अग्निपथ योजना सुरू झाल्यानंतर उत्तर प्रदेश, मध्य प्रदेशसह अनेक राज्यांच्या पोलीस दलात अग्निवीरांना आरक्षण देण्याची घोषणा करण्यात आली आहे.

प्रधानमंत्री फसल विमा योजना 2022: शेतकरी नोंदणी, PMFBY यादी, अर्जाची स्थिती शेवटची तारीख ३१ जुलै

केंद्रीय गृह राज्यमंत्री नित्यानंद राय यांनी आरक्षण देण्याच्या पद्धतींची माहिती दिली आहे. ते म्हणाले की अग्निवीरांना आडवे आरक्षण दिले जाईल, ज्यामुळे सर्वोच्च न्यायालयाने निश्चित केलेल्या 50 टक्के आरक्षणाच्या कमाल मर्यादेवर कोणताही परिणाम होणार नाही. अशा परिस्थितीत सर्वोच्च न्यायालयाने ठरवून दिलेल्या नियमांनुसार अग्निवीरांना नवीन भरतीमध्ये १० टक्के आरक्षण दिले जाणार आहे.

काळी हळद लागवड कशी करावी: काळी हळद लागवडीची योग्य पद्धत आणि ५०% टक्क्यांपर्यंत अनुदान

रिक्त पदांची संख्या

अग्निपथ योजना सुरू झाल्यानंतर देशातील तिन्ही सैन्यात भरती प्रक्रिया सुरू झाली होती. याशिवाय विविध सशस्त्र दलांमध्ये भरतीसाठी अधिसूचनाही जारी करण्यात आली होती. केंद्रीय मंत्री नित्यानंद राय म्हणाले की, सध्या CAPF मध्ये 84,405 पदे रिक्त आहेत. २०२३ पर्यंत ही पदे भरण्याचे उद्दिष्ट ठेवण्यात आले आहे. तसेच जीडी कॉन्स्टेबलच्या 25,271 पदांच्या भरतीसाठी परीक्षा घेण्यात आली आहे. आसाम रायफल्समध्ये 9,659, BSF मध्ये 19,254, CISF मध्ये 10,918, CRPF मध्ये 29,985, ITBP मध्ये 3,187 आणि SSB मध्ये 11,402 जागा रिक्त आहेत,” ते म्हणाले. केंद्रीय मंत्र्यांनी ही माहिती त्यांना मंजूर केलेल्या रिक्त पदांची संख्या, रिक्त पदे आणि ही रिक्त पदे भरण्यासाठी कोणती पावले उचलावीत याबाबत विचारण्यात आलेल्या प्रश्नांच्या उत्तरात दिली आहे.

हि झाडे एकदाच लावा, 70 वर्षांपर्यंत फक्त नफाच नफा

राज्य पोलिसांत आरक्षण

उत्तर प्रदेशचे मुख्यमंत्री योगी आदित्यनाथ यांनी 15 जून रोजी ट्विट करून अग्निवीरांना राज्य पोलीस आणि इतर सेवांमध्ये प्राधान्य दिले जाईल अशी माहिती दिली होती. त्याचप्रमाणे, मध्य प्रदेश सरकारने निवृत्त होणाऱ्या अग्निवीरांना मध्यप्रदेश पोलिसांमध्येही आरक्षण दिले जाईल, असे सांगितले होते. याशिवाय हरियाणा, उत्तराखंड आणि आसाम पोलिसांमध्येही आरक्षण दिले जाणार आहे.

सरकारी नोकरी 2022: नौदलात 10वी पाससाठी नोकरी, असा असेल पगार, joinindiannavy.gov.in वर अर्ज करा

रेशनकार्ड धारकांना ३ सिलेंडर मोफत, कसा घाव लाभ वाचा